 |
| ام وليد - غراتان شفلور بالبيشامال بدون حليب |
ام وليد - غراتان شفلور بالبيشامال بدون حليب
المقادير
- شفلور
- 1/2 صدر دجاج
- 1 بصل مبشور
- 1 م ك فرينة
- 1 م ك مارغرين
- جبن طري
- جبن مبشور
- ملح و فلفل اسود
طريقة التحضير
في البداية نغلي الشفلور في الماء و الملح
نقلي صدر الدجاج في قليل من الزيت
نضيف البصل المبشور و الملح و الفلفل الاسود و نتركه يتقلى معه جيدا
نمرق بالماء و نتركه حتى يغلي و يطيب الدجاج تماما ثم ننزع الدجاج من المرق و نقوم بتفتيته
ثم نصفي المرق و نحتفظ به لاستعماله في مرحلة لاحقة
في قالب فرن نفتت الشفلور و نصنع به طبقة في الاسفل
نضيف طبقة من الدجاج المفتت ثم نضيف قطع من الجبن الطري
ثم نضيف طبقة اخرى من الشفلور المفتت
لتحضير صوص البيشاميل في كسرونة فوق النار نخلط جيدا المارغرين مع الفرينة حتى تتحمص الفرينة في الزبدة و تذوب
نضيف حوالي كأس الى كأس و نصف من مرق الدجاج لكن على دفعات صغيرة مع الخلط بعد كل دفعة حتى ننهي كل الكمية و تخثر الصوص قليلا
نفرغ البيشاميل في القالب فوق باقي المكونات و نغطي الوجه بالجبن المبشور
ندخله للفرن حتى يتجمر و يحمر الوجه
بالصحة و الهنا