وصفة مكتوبة لي طريقة تحضير بقلاوة ام وليد بعجينة الفيلو
المقـادير: البقلاوة
- 5 كؤوس فرينة
- ملح
- نصف كاس زبدة
- 1 حبة بيض
- مايزينة
- 250 غرام مكسرات
- 1 كيلوغرام عسل
طريقة التحضير البقلاوة
نخلط خمس كؤوس فرينة مع شوية ملح ونضيف نصف كاس زبدة ذائبة ونبسسها باليد ثم نضيف حبة بيض والماء ونلمها ثم ندلكها مدة خمس دقائق ونضعها في كيس بلاستيكي ونتركها ترتاح مدة نصف ساعة على الاقل ثم نشكل حربوش ونقسمه على اثنان ثم نفتح كل جزء بشكل حربوش ونقسمه على ستة ونشكل اثناعشر كرية ونغطيهم ونتركهم يرتاحو ثم نرش طاولة العمل بالمايزينة وناخذ كل كرية نحلها بالحلال وفي كل مرة نرشها بالمايزينة ولابد نحلهم كامل كيف كيف بنفس الحجم ونتركهم يرتاحو عشر دقائق ثم نزيد نحلهم مع بعض بشكل مستطيل ورقيق ثم نقسم العجينة على اثنان متساويان بحجم الصينية ونحط الجزء الاول في الصينية مدهونة بزبدة ذائبة ثم نحط فوقها مئتين وخمسين غرام مكسرات محمصة ومطحونة رقيقةونرشها بالزيدة الذائبة ونحط فوقها الجزء الثاني من العجينة نسقمهاوننزع الاطراف ثم نقسمها على شكل مربعات ونحط فوقها زبدة ذائبة وندخلها للفرن ساخن على مئة وثمانين درجة لما تحمر من تحت نشعل من فوق ولما تطيب ننزعها بعد حوالي ساعة ولما ننزعها ننتظر خمس دقائق ونضع فوقها كيلوغرام عسل مخلط مع قليل من ماء زهر ويكون دافئ ونتركها تشرب على الاقل أربع ساعات او ليلة كاملة وفي الأخير نقدمها وشهية طيبة